به‌پێی هه‌واڵی کوردپرێس، ئاژانسی ئه‌سۆشیتێدپرێس له‌ زاری سه‌رۆکی فڕۆکه‌خانه‌ی به‌سره‌وه‌ ئاشکرای کردوووه‌: "ئه‌مڕۆ شه‌ممه 8ی ئه‌یلوولی 2018 چوار مووشه‌ک له‌لایه‌ن چه‌ند که‌سێکی نه‌ناسراوه‌وه‌ ئاراسته‌ی فڕۆکه‌خانه‌ کراون."

هێرشی سه‌ر فڕۆکه‌خانه‌ی به‌سره‌ له‌ کاتێکدایه‌ ئه‌مڕۆ شه‌ممه‌ 8ی ئه‌یلوول فه‌رمانده‌ی ئۆپه‌راسیۆنه‌کانی به‌سره‌ قه‌ده‌خه‌ی هاتوچۆی شاره‌که‌ی ڕاگه‌یاند.

خۆپیشاندانی به‌سره‌ به‌هۆی نه‌بوونی ئاوی پاكی خواردنه‌وه‌ و كه‌می كاره‌بای نیشتمانی به‌رده‌وامه‌ و به‌ گوێره‌ی سه‌رچاوه‌ ته‌ندروستییه‌كانیش ڕۆژانه‌ 400 كه‌س به‌هۆی خواردنه‌وه‌ی ئاوی پیس ژه‌هراوی ده‌بن و ڕه‌وانه‌ی نه‌خۆشخانه‌كان ده‌كرێن.

له‌ ماوه‌ی چه‌ند ڕۆژی ڕابردوودا هاووڵاتییانی به‌سره‌ چه‌ندین داموده‌زگای حزبی، حکوومی و میلیشیا جیاوازه‌کانی به‌سره‌یان سووتاندووه‌ و له‌ ئه‌نجامدا خه‌ڵکێکی زۆر به‌هۆیانه‌ بوونه‌ته‌ قوربانی.

سه‌رچاوه‌: K24

کۆدی هه‌واڵنێر: 60103