کوردپرێس:

بەگوێرەی ئەو زانیارییانەی دەست کەوتوون لیوای کۆماندۆی ڕەیحانلی بە 6 ئوتۆمبیلی زرێپۆشی نەفەربەر سەرلەبەیانیی ئەمڕۆ چوارشەمە 29ی ئاب بەرەو سنووری سووریا جووڵەی پێکراوە و لەو سنوورە جێگیر کراوە.

ئەو جووڵە سەربازییەی تورکیا لە کاتێکدایە کە هەواڵەکان باس لە گەمارۆدرانی ئیدلیب لەلایەن سوپای دەوڵەتی سووریاوە دەکەن. پێدەچێت سوپای سووریا بەپێی ئەو گڵۆپە سەوزەی ڕووسیا پیشانی داوە و ئێرانیش بە ئاشکرا لە سەری ڕێککەوتووە ئوپەراسیۆنێکی سەربازی لە ئیدلیب ئەنجام بدات و تورکیاش بە توندی دژی ئەو ئۆپەراسیۆنەیە و تا ئەم کاتەش هەوڵی دیپڵۆماسییانەی داوە بۆ ڕێگری کردن لەو ئۆپەراسیۆنە.

تورکیا و ڕووسیا و ئێران ڕۆژی 16ی خەرمانان دانیشتنێکی سێ قۆڵییان لە تەورێزی ئێران دەبێت ئەوەش پاش کۆبوونەوەکانی سۆچی و ئەنقەرە لە سەر چارەنووسی ئیدلیب.