به‌پێی هه‌واڵی کوردپرێس، سه‌رۆکی په‌رله‌مانی تورکیا له‌ میانی ڕێوره‌سمی "فه‌تح کردنی ئانادۆڵو، یادکردنه‌وه‌ی ماڵازگرت ١٠٧١" گوتارێکی پێشکه‌شی هاووڵاتییان کرد.

بینالی یێڵدرم گوتیشی: "له‌ تورکیای مه‌زندا نه‌ هه‌وڵه‌کانی کووده‌تای ئابووری، نه‌ هه‌وڵه‌ ناپاکانه‌کانی هاوشێوه‌ی هه‌وڵی کووده‌تای ١٥ی ته‌مووز ئه‌نجامی نه‌بوووه‌ و نابێت. ئه‌وانه‌ی هه‌وڵی تێكدانی یه‌كێتیمان ده‌ده‌ن با ئه‌وه‌ بزانن كه‌ هێنده‌ به‌هێزین هه‌رگیز له‌وه‌دا سه‌ركه‌وتوو نابن".

سه‌رۆکی په‌رله‌مانی تورکیا ڕاشیگه‌یاند: "ئامۆژگاری موخاته‌به‌کانمان ده‌که‌م به‌وه‌ی که‌ به‌ زووترین کات واز له‌و هه‌ڵوێسته‌ بێ‌مانا و بێ ئاگایانه‌ بهێنن که‌ ماوه‌یێکه‌ گرتوویانه‌ته‌به‌ر و به‌ مه‌به‌ستی ئاسایی کردنه‌وه‌ی په‌یوه‌ندییه‌کان هه‌ڵوێستێکی نوێ نیشان بده‌ن".

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103