به‌پێی هه‌واڵی کوردپرێس، عه‌بدولمه‌هدی که‌ربه‌لایی نوێنه‌ری عه‌لی سیستانی مه‌رجه‌عی باڵای شیعه‌کان له‌ وتاری هه‌ینیدا نیگه‌رانیی سیستانی ده‌ربڕی له‌وه‌ی سکاڵای هاووڵاتییان به‌رده‌وامه‌ له‌سه‌ر نه‌بوونی ئاوی خواردنه‌وه‌ و ئاو بۆ پێداویستیی ڕۆژانه‌ و چه‌ندین که‌س به‌هۆی ئاوی پیسه‌وه‌ تووشی ژه‌هراوی و نه‌خۆشی بوون، له‌گه‌ڵ ئه‌وه‌شدا هه‌وڵه‌کانی حکوومه‌ت و لایه‌نه‌ په‌یوه‌ندیداره‌کانی بۆ چاره‌سه‌ری ئه‌و کێشه‌یه‌ و دابین کردنی خزمه‌تگوزارییه‌ سه‌ره‌تایییه‌کان هیچی لێ به‌رهه‌م نه‌هاتوووه.

نوێنه‌ری سیستانی داوای کرد: حکوومه‌ت و لایه‌نی په‌یوه‌ندیدار چاره‌سه‌ری به‌په‌له‌ بۆ کێشه‌کانی هاووڵاتییانی به‌سره‌ بدۆزنه‌وه‌ و واز له‌ ڕۆتینات و که‌مته‌رخه‌می بهێنن و هه‌ر دوو حکومه‌تی ناوه‌ندی و خۆجێیی واز له‌ یه‌کتر تۆمه‌تبارکردن بهێنن و وه‌ک یه‌ک تیم کار بکه‌ن بۆ کۆتایی هێنان به‌ مه‌ینه‌تییه‌کانی خه‌ڵکی به‌سره‌.

سه‌رچاوه‌: سبه‌ی

کۆدی هه‌واڵنێر: 60103