کوردپرێس- كۆمپانیای "كركوس"ی به‌ریتانی وێستگه‌یێكی گه‌وره‌ی به‌رهه‌مهێنانی وزه‌ی خۆری به بڕی 570 ملیۆن دۆلار ڕاگرت پاش ئه‌وه‌ی كه ئه‌مریكا هه‌ڕه‌شه‌ی كرد كه هه‌ر كۆمپانیا و وڵاتێک مامه‌ڵه له‌گه‌ڵ ئێران بكات سزا ده‌درێت.
ئه‌و كۆمپانیایه بڕیار بوو وێستگه‌یێكی به‌رهه‌مهێنانی وزه‌ی خۆر (600) مێگاواتی بۆ ئێران دروست بكات كه ئه‌گه‌ر ئه‌و پڕۆژه‌یه ته‌واو بوایه ئه‌وه ئێران ده‌بوووه خاوه‌نی شه‌شه‌مین وێستگه‌ی وه‌زی خۆر له جیهاندا.
ساڵی پار گرێبه‌ستێک به بڕی 570 ملیۆن دۆلار بۆ دروست كردنی ئه‌و وێستگه‌یه له نێوان وه‌زاره‌تی كاره‌بای ئێران و كۆمپانیای "كركوس" ئیمزا كرابوو كه له ئێستادا پاش هه‌ڕه‌شه‌كانی تره‌مپ سه‌باره‌ت به قورستر كردنی سزاكان له دژی ئێران، ئه‌و كۆمپانیایه ڕای‌گه‌یاندوووه كه بڕیاریان داوه هه‌موو چالاكییه‌كانی خۆی له‌و پڕۆژه‌دا ڕابگرن و له نزیكه‌وه چاودێری دۆخه‌كه ده‌كه‌ن.
سه‌رچاوه: میدیا ئێرانییه‌کان
کۆدی هه‌واڵنێر: 60103
Your Comment