کوردپرێس:

ئی پارت لە هەڵبژاردنەکەی 24ی حوزەیراندا لە ئاستی چاوەڕوانیدا دەرنەکەوت و ئەوەش وای کرد چەندین ئەندام و لایەنگری حیزبەکە بکشێنەوە و تەنانەت مراڵ ئاکشنەر سەرۆکی حیزبەکە کۆنگرەی دووهەمی ڕاگەیاند بەڵام خۆی کاندید نەکردەوە و پاشان چەندین کەمێن کرا بۆ ئەوەی ئاکشنەر ڕازی بکەن دووبارە خۆی کاندیدی سەرۆکی حیزب بکاتەوە.

هەر بەو مەبەستەش کۆنگرەی دووهەمی ئی پارت لە تورکیا بەڕێوە چوو و مراڵ ئاکشنەر سەرۆکی ئێستای حیزبەکە بە 881 دەنگ لە کۆی 888 دەنگی ئەنجومەنی ناوەندیی حیزبەکە وەکوو سەرۆکی حیزب دووبارە هەڵبژێردرایەوە.

پاش پاڵێورانی ئاکشنەر و سەرکەوتنی دووبارەی وەکوو سەرۆکی حیزبەکەی، زۆرینەی ئەندامانی ئیدارەی ناوەندیی ئی پارت گۆڕدران و بەوەش ئی پارت دەستی کردووە بە چاکسازیکردن لە نێو خۆی حیزبەکە.