بەپێی هەواڵی کوردپرێس، سەرۆکایەتی هەرێمی کوردستان لە راگەیەندراوێکدا بڵاویکردەوە، ئه‌مڕۆ چوارشه‌ممه نێچیرڤان بارزانى، سه‌رۆکى هه‌رێمى کوردستان، به سه‌ردانێکى فه‌رمى گه‌یشته له‌نده‌نى پایته‌ختى شانشینى یه‌کگرتوو.
ڕاگەیێندراوەکە ئاماژەی بەوەش کردوە، له میانى سه‌ردانه‌که‌یدا سەرۆکی هەرێمی کوردستان، له‌گه‌ڵ بۆریس جۆنسۆن، سه‌رۆک وه‌زیران و وه‌زیرانى ده‌ره‌وه، به‌رگرى و به‌رپرسانى دیکه‌ى بریتانیا کۆ ده‌بێته‌وه.
ئەوەش هاتووە لە سەردانەکەی بارزانی بره‌ودان به په‌یوه‌ندییه‌کان و فراوان کردنى بواره‌کانى هاریکارى و هاوبه‌شیى عێراق و هه‌رێمى کوردستان له‌گه‌ڵ بریتانیا، شه‌ڕى دژى تیرۆر، دۆخ و سه‌قامگیریى عێراق و ناوچه‌که به‌گشتى تاوتوێ ده‌کرێن.
Your Comment