کوردپرێس:
زیاد حوسێن ساڵح سەرۆکی لیژنەکە لەلێدوانێکی ڕۆژنامەوانیدا ڕایگەیاند، فەوجێکی سەر بە هێزەکانی (سوات) ی سەر بە وەزارەتی ناوخۆی عێراق بەشێوەیەکی تەواوەتیی ئەرکی پاراستنی ئاسایشی فڕۆکەخانەی نێودەوڵەتیی کەرکویان لەئەستۆگرتووە، ئەوەش وەک ئامادەکارییەک بۆ کردنەوەی فڕۆکەخانەکە بەرانبەر بە دەستپێکردنی گەشتە ئاسمانییە ناوخۆیی و دەرەکییەکان.
بەوتەی ساڵح دوای ئەوەی هەموو پێوەرە نێودەوڵەتییە پێویستەکانی کردنەوەی فرۆکەخانەکە دەستەبەرکران، بڕیار وایە لەئایندەیەکی نزیکدا بەفەرمی بکرێتەوە.
ناوبراو ئه‌وه‌شى خستۆته‌ڕوو، کردنەوەی ئەو فرۆکەخانەیە کاریگەرییەکی گەورەی لەسەر جوڵەی ئابووری و بازرگانیی پارێزگاکە دەبێت.
تا ئێستا له به‌شێك له پارێزگا گه‌وره‌كانى عێراق فرۆكه‌خانه‌ى شارستانى نیه‌و هاووڵاتیانى ئه‌و پارێزگایانه ڕوو له پارێزگاكانى تر ده‌كه‌ن بۆ گه‌شتكردن .
Your Comment