هاوپەیمانان دەستیان کرد بە کشانەوە هێزەکانیان لە عێراق

بەشی عێراق و هەرێمی کوردستان- هێزەکانی سوپای هاوپەیمانان بە سەرۆکایەتی ئەمریکا لە عێراق دەستیان بە کشانەوە کرد.

بەپێی هەواڵی کوردپرێس، ئەمڕۆ شەممە، هێزەکانی هاوپەیمانی نێودەوڵەتی دژی داعش لە عێراق و سووریا راگەیەنراوێکی بڵاو کردەوە و تیایدا هاتووە، هێزی ئەرکە هاوبەشەکانی ئۆپراسیۆنی ئیرادەی پۆڵایین و هێزی ئاسۆ OTH کۆتایی بە ئەرکەکانی لە عێراق هێنا و گەڕایەوە بۆ بنکە سەرەکییەکەی خۆی لە بنکەی سەربازی بورینگ لە وڵاتی کوەیت.

راگەیەنراوەکە ئاماژەی بەوەش داوە، هێزی OTH بەشێوەیێکی ئاسایی لە هەلیکۆپتەری جۆری CH-47 و Chinook و بەتالیۆنێکی پیادە پێکهاتووە کە بەردەوام ٢٤ کاتژمێر لە ئامادەباشیدان.

ئەوەشی خستووەتەڕوو، هێزەکە بەردەوام لە ئۆتۆمبێلەکانیاندان و لە کەمترین ماوەدا ئەرکەکەیان بەتەواوەتی ئەنجام دەدەن.

لە راگەیەنراوەکەدا هاتوویشە، هەرکات پێویست بکات، هێزی ئاسۆیی OTH لە ناوچەکانی ئەنجامدانی ئۆپراسیۆنەکان ئامادەیە بگەڕێتەوە بۆ ئەنجامدانی ئەرکەکانی بە ئامانجی پشتیوانی کردنی هێزەکانی دیکە و بۆردوومان لە رێگەی هێزی ئاسمانی و لە ئەستۆگرتنی ئەرکی پاراستنی هێزەکان بە گشتی.

کۆدی هەواڵنێر: 60113

News Code 3008

Tags

Your Comment

You are replying to: .
captcha