کوردپرێس:
ئێوارەی ڕۆژی هەینی 30ی تەمووزی 2021، حەوت ئەندامی خێزانێکی کورد لە ناوچەی مەرامی شاری کۆنیا لە تورکیا لەلایەن گروپێكی چەكداری ڕەگەزپەرستەكانەوە كوژران.
لەسەر ئەو ڕووداوە سەرۆکایەتیی هەرێمی کوردستان هاتەدەنگ و پەیامێكی لە تویتەری سەرۆكایەتی هەرێم بڵاوكردوە و سەرەڕای ئیدانەكردنی تاوانەكە ڕایگەیاند: ئەوانەی بەرپرسیارن لە ئەو تاوانە بێهۆیە دەبێت رووبەڕووی یاسا بکرێنەوە."
لە تویتەکەی سەرۆکایەتیی هەرێمی کوردستاندا هاتووە: سەرکۆنەی هێرشی سەر خێزانێکی کورد لە تورکیا دەکەین، هاوخەمی کەسوکار و خۆشەویستانی قوربانییەکانین. ئەوانەی بەرپرسیارن لە ئەو تاوانە بێهۆیە دەبێت، رووبەڕووی یاسا بکرێنەوە.
لە ناوچەی مەرامی شاری کۆنیای توركیا، گرووپێكی چەكداری نەتەوەپەرستەکان، هێرشیان كردە سە خێزانێكی كورد و حەوت ئەندامی خێزانەكەیان کوشت و دواتر خانوەكەشیان سووتاند.
Your Comment