کوردپرێس:

به‌گوێره‌ى نووسراوێكى د.ئومید سه‌باح سه‌رۆكى دیوانى ئه‌نجومه‌نى وه‌زیران، مه‌سروور بارزانى سه‌رۆكى حكوومه‌ت فه‌رمانیكردوه‌ به‌خه‌رجكردنى بڕى 13 ملیارو 40 ملیۆن دینار بۆ تەواوکردنی پڕۆژەی دروست کردنی بەنداوەکان لە هەرێمی کوردستان بەشێوەی نەختینەو قۆناغ.

له ‌لایێكى دیكه‌شه‌وه‌ وه‌زاره‌تى كشتوكاڵ ‌و سه‌رچاوه‌كانى ئاو له‌و باره‌یه‌وه‌ ڕایگه‌یاندوه‌، بڕیاره‌كه‌ى ئه‌نجومه‌نى وه‌زیران دواى هەوڵە بەردەوامەکانی وەزارەتی کشتوکاڵ‌و سەرچاوەکانی ئاوه‌ بۆ ڕووبەڕووبوونەوەی دیاردەی وشکەساڵی ‌و ئاراستەکردنی پاکێجی پێشنیاز و چارەسەری‌و داواکاریەکان بۆ بەردیدی سەرۆکایەتی ئەنجومەنی وەزیران.