کوردپرێس:

كاروان ئەنوەر، بەرپرسی لقی سلێمانی سەندیكای ڕۆژنامەنووسانی كوردستان بڵاوی كردەوە، ئێوارەی ئەمڕۆ، سەردانی قوباد تاڵەبانی جێگری سەرۆكی حكومەتی هەرێمی كوردستانمان كرد.

لە بارەی مەبەستی سەردانەكەیانەوە نوسیویەتی: مەبەستی سەردانەكە بۆ گفتوكۆكردن بوو لە رەوشی رۆژنامەگەریی و ئازادی وتن و بڵاوكردنەوە.

وەك كاروان ئەنوەر بڵاویكردوەتەوە، قوباد تاڵەبانی، دڵنیایی تەواوی پێداون كە بە هیچ شێوەیەك مەترسی لەسەر رەوشی ئازادیی رۆژنامەگەریی لە سلێمانی دروست نابێت وھیچ رۆژنامەنووسێكیش دووچاری لێپرسینەوە نابێت، لەسەر ئەو بنەمایەی كە هەندێك كەناڵ و پەیجی دیاریكراو داخراون، كارمەندةكانیان نە نانبڕاو دەبن و نە دووچاری دەركردن دەبن.

لەدوای دروستبونی گرژیەكانی نێوان هاوسەرۆكانی یەكێتی، كەناڵی ئای پڵەسی نزیك لە لاهوور شێخ جەنگی دەستی بەسەردا گیراو و كۆمەڵێك سایتی نزیك لە ناوبراو داخران.