بەپێی هەواڵی کوردپرێس، له كورته هه‌واڵێكدا كه له‌ئه‌ژماری تایبه‌تی كونسوڵخانه‌ی ئه‌مریكا بڵاو كراوه‌ته‌وه، هاتووه:" ئاساییشی ئاو گرنگیێكی له ڕاده‌به‌ده‌ری هه‌یه، له‌به‌ر ئه‌مه‌یه بانگهێشتی بارنی ئۆستنمان كرد سه‌ردانی عێراق بكات".
لە هەواڵەکەدا روون كراوه‌ته‌وه: "دكتۆر ئۆستن یه‌كێكه له باشترین ئه‌و پسپۆڕانه‌ی ئه‌مریكا كه كار له‌سه‌ر پارێزگاری كردن له سه‌رچاوه‌كانی ئاو ده‌كه‌ن، له میانه‌ی كۆبوونه‌وه‌كانی له‌گه‌ڵ به‌رپرسانی حكوومه‌ت، مامۆستایانی زانكۆ ، خوێندكاران، جووتیاران و ڕێكخراوه ناحكوومیه‌كان ،باسی ئه‌و ستراتیجیه سه‌ركه‌ووتووانه‌ی كرد كه بۆ پارێزگاری كردن له سه‌رچاوه‌كانی ئاو ده‌گیرنه‌به‌ر و به‌سوودن بۆ هه‌ڵكردن له‌گه‌ڵ قه‌یرانی كه‌م ئاوی.
هه‌روه‌ها باسی شێوازه‌كانی ئاودان و ته‌كنیكه سه‌رده‌میه‌كانی ئاودێری كردنی كرد كه له ڕێگه‌یانه‌وه ده‌تواندرێت پارێزگاری له بڕێكی زۆر ئاو بكرێت له سێكته‌ری كشتوكاڵ.
سەرچاوە: PUK media
کۆدی هەواڵنێر: 60113
Your Comment