بەپێی هەواڵی کوردپرێس، مایکل مەک کول کۆنگرێسمانی ئەمریکی لە کۆبوونەوەیێکدا کە لە پەیمانگەی ئینترپرایز بەڕێوەچوو ڕەخنەی لە سیاسەتەکانی ئەمریکا لە سووریا گرت.
ناوبراو لەبارەی کوردەکانی سووریا و پێکهێنانی ناوچەی خۆبەڕێوەبەر لە باکووری سووریا لەلایەن کوردەکانەوە وتی: ئەوان هاوپەیمان و هاوسەنگەرانی هێزەکانی ئەمریکا لە شەڕی داعش بوون. دروستە کە دەتوانن حکوومەتێکی دیموکراتیک پێکبێنن بەڵام کێشەکە لە شوێنێکی دیکەیە.
ناوبراو زیادی کرد: کێشە ئەوەیە کە تورکیا کوردەکانی سووریا بە تیرۆریست دەزانێت و ئەمریکایش مجبوورە لە نێوانیاندا بێ هەڵویست بێت. ئەمریکا بڕیاری داوە خۆی تێکەڵی ئاڵۆزیی نێوان کورد و تورکیا نەکات. خەڵکی ئەمریکایش زیاتر لەوەیان ناوێت.
بەم حاڵەشەوە ئەو نوێنەرەی کۆنگرەی ئەمریکا ڕەخنە لە سیاسەتەکانی وڵاتەکەی لە سووریا دەگرێت، چوونکە لە ماوەی 6 ساڵدا نەیتوانیوە بڕیارێکی سیاسی یەکپارچە بدات.
کۆدی هەواڵنێر: 60113
Your Comment