به‌پێی هه‌واڵی کوردپرێس، محه‌مه‌دی حاجی مه‌حمود له میانی چاوپێكه‌وتنێكی ته‌له‌فیزیۆنیدا له‌گه‌ڵ كه‌ناڵی ئێن ئاڕ تی ڕای‌گه‌یاند: ماوه‌ی سێ ساڵ و نیوه هێزه‌كانیان به‌شدار بوون له سه‌نگه‌ره‌كاندا و دوای گه‌ڕانه‌وه‌یان و به بۆنه‌ی یادی 42 ساڵه‌ی سۆسیالیست دیموكراتی كوردستانه‌وه ئه‌مڕۆ چوارشه‌ممه 8ی ئاب نمایشێكی سه‌ربازی ئه‌نجام ده‌ده‌ن.
ناوبراو ئاماژه‌ی به‌وه‌ش كرد که له نمایشه سه‌ربازییه‌كه‌دا چه‌كیش نمایش ده‌كرێت.
محه‌مه‌دی حاجی مه‌حمود وتیشی: "ئه‌و هێزه سه‌ر به وه‌زاره‌تی پێشمه‌رگه‌ی حكوومه‌تی هه‌رێمی كوردستانه به‌ڵام چۆن هێزی یه‌كه‌ی 70 و 80 هه‌یه ئه‌و هێزه‌ی ئێمه‌ش هه‌یه و پێمان خۆشه ئه‌و هێزانه ڕێک بخرێنه‌وه له چوارچێوه‌ی وه‌زاره‌تی پێشمه‌رگه‌دا".
ناوبراو ئه‌وه‌شی خسته ڕوو: "بودجه‌ی ئه‌و پێشمه‌رگانه خۆمان دابینی ده‌كه‌ین به‌ڵام به‌شێكی دیكه‌یان هیچ مووچه‌یێكیان نییه، ته‌نها هه‌ر ئه‌وه‌نده‌یه كه چه‌كی حزبیان پێیه و جار جاریش هه‌ندێک پاره‌یان بۆ خه‌رج ده‌كرێت".
کۆدی هه‌واڵنێر: 60103
Your Comment