بەپێی هەواڵی کوردپرێس، لەبارەی گەشەسەندنی ئۆپەراسیۆنی گەردەلوولی جزیرە، لیلوا عەبدوڵا قسەی بۆ ئاژانسی هەواڵی هاوار کردووە و ڕزگارردنی شارۆچکەکانی شیەفە، هەژین، ئەبو خاتر، ئەبو حەسەن و سوسا لە چەتەکان ڕاگەیاندووە.

ناوبراو هەروەها وتیشی: هێزەکانمان ناوچەیێکی سێ هەزار و ١٠٠ کیلۆمەتر دووجایان لە چەتەکانی داعش ڕزگار کردووە، ئۆپەراسیۆنەکە لە سێ قۆڵی مەرگەدا، شەداد و هۆل ئەنجام دراوە، لەو ناوچانەدا زیاتر لە ٥٠ گوند و کێڵگە ڕزگارکراون، هەروەها دەست بەسەر ژمارەیێکی زۆر لە چەک و تەقەمەنییەکانی چەتەکاندا گیراوە.

باسی لەوەش کرد، کە لەو ئۆپەراسیۆنەدا سەدان هاوڵاتی مەدەنی ڕزگارکراون و ڕەوانە شوێنە پارێزراوەکان لە شەڕ کراون.

وتەبێژی ئۆپەراسیۆنی گەردەلوولی جزیرە ئاماژەی بە ئۆپەراسیۆنی هاوبەش لەگەڵ سوپای عێراقدا کردو، وتی: هاوکارییەکانمان لەگەڵ سوپای عێراق بە هەموو هێزمانەوە بەردەوامە، لەسەر سنوورەکان ژوورێکی فەرماندەیی هاوبەش پێکهاتووە، مەبەست لەو هاوکارییە پاراستنی ئاسایشی ئەو سنوورانەیە، کە بە پشتگیریی هێزەکانی هاوپەیمانان بەڕێوەدەبرێت.

لە کۆتاییشدا وتی: لە پاش ڕزگارکردنی شارۆچکەی دشیشا هێزەکانمان شارۆچکەکانی شیەفە، هەژین، ئەبو خاتر، ئەبو حەسەن و سوسا-یان لە چنگی چەتەکان ڕزگارکردووە.

کۆدی هەواڵنێر: 60113