بەپێی هەواڵی کوردپرێس، لە پەیامەکەیدا، ئایەتۆڵڵا سیستانی رایگەیاندووە، "بە خەمێکی قووڵەوە سەرەخۆشی لە گەلی خاوەن شکۆی ئێران و سەرجەم موسڵمانانی جیهان دەکەین بۆ شەهیدبوونی رێبەری باڵای کۆماری ئیسلامی."
ئایەتۆڵڵا سیستانی ئاماژەی بەوە کردووە کە ڕۆڵی ئایەتۆڵڵا خامنەیی لە "بەڕێوەبردنی" کۆماری ئیسلامی لە ساڵانی ڕابردوودا لای هەمووان ڕوون و ئاشکرا بووە.
مەرجەعی باڵای شیعەکان باس لەوە دەکات لە ئامانجی "دووژمنان لەم تیرۆرکردنە و هێرشە سەربازییە بەرفراوانە" لێدان لە وڵاتی ئێرانە.
ئایەتۆڵڵا سیستانی لە پەیامەکەیدا داوا لە گەلی ئێران دەکات کە "لەپێناو رێگەنەدان بە سەرخستنی پیلانی دووژمنان، لەم دۆخە هەستیارەدا یەکڕیزی و تەبایی نیشتمانیی خۆتان بپارێزن".
Your Comment