بەپێی هەواڵی کوردپرێس، ڕەجەب تەیب ئەردۆغان، سەرۆک كۆماری توركیا، لەناو فرۆكەكەی لەكاتی گەڕانەوەی لە سەردانەكەی بۆ سعوودیە ڕایگەیاند:چەسپاندنی سەقامگیری و ئاشتی لە باکووری سووریا جێگای بایەخی راستەوخۆیە بۆ ئێمە، گەورەترین خواستی ئێمە ئەوەیە سووریا لە ژێر سایەی یەک دەوڵەت و یەک سوپادا یەکگرتوو بێت.
سەرۆک کۆماری تورکیا ڕاشیگەیاند: پابەندبوونی بەناو "هێزەکانی سووریای دیموکرات" بەو رێککەوتنانەی کە واژۆیان کردووە، دەبێتە هۆی بەهێزکردنی کەشوهەوای ئاشتی لە سووریا و ئاسانکاری بۆ سەقامگیری هەمیشەیی دەکات، تەنانەت نابێت کەس بیر لە ورووژاندنی ململانێ، یان هەڵكشانی  گرژییەکان، یان دەستی دەستی بكاتەوە.
ئەردۆغان ڕاشیگەیاند: ئێمە پشتیوانی لە سووریایەکی یەکگرتوو و بەهێز و ئارام دەکەین بە هەموو پێكهاتەكانیەوە، ئێمە لەگەڵ سووریادا وەستاوین.
ناوبراو دەشڵێت: کێشەی ئێمه لەگەڵ تیرۆردایه، لەگەڵ ئەو کەسانەیه که "تیرۆر" وەک ئامرازو میتۆد بەکاردەهێنن بۆ گەیشتن به ئامانجه جوداخوازەکانیان.
سەرۆکی تورکیا وتیشی: بە چارەسەرکردنی کێشەى باکووری سووریا، بارگرانی لەسەر پرۆسەی "تورکیاى دوور لە تیرۆر" سوكتر بووە.

ئەردۆغان ڕاشیگەیادووە: لە ئێستادا لیژنەكەی پەرلەمان سەرقاڵی کۆتایی هێنانە بە راپۆرتە هاوبەشەكەی، هیوادارین راپۆرتەکە بە کۆدەنگی بێت و دیدگایەک پێشکەش بکات کە گڕوتین بدات بە پرۆسەكە.