بەپێی هەواڵی کوردپرێس، مەزڵووم عەبدی لە پەیامێكدا لە هەژماری خۆی لە تۆڕی كۆمەڵایەتی X پیرۆزبایی لە گەلی كورد لە سووریا و جیهان دەكات بەبۆنەی جەژنی نەورۆزەوە.

ناوبراو دەشڵێت: "لە ناخی دڵەوە پیرۆزبایی خۆمان ئاڕاستەی شەڕڤانانی هەسەدە، ئاسایشی ناوخۆ و كارمەندانی بەڕێوەبەریی خۆسەریی و كەسوكاری شەهیدان دەكەین".

لە درێژەی پۆستەکەیدا فەرماندەی گشتی هەسەدە داوا دەکات، ئەم نەورۆزە ببێتە سیمبولی یەكگرتویی هێزە كوردییەكان لە كوردستانی سووریا، هەروەها هەموو پێكهاتەكانی سووریا بە عەرەب، كورد، سریانی، توركمان، ئاشوری و ئەرمەنەوە کە دەستكەوتەكانیان دەپارێزن و پێگەی خۆیان لە سووریای نوێدا مسۆگەر دەكەن.