بەپێی هەواڵی کوردپرێس، ئاژانسی هه‌واڵی فه‌رمی سووریا (سانا) له‌ زاری سه‌رچاوه‌یه‌کی سه‌ربازییه‌وه‌ بڵاویکرده‌وه‌، دره‌نگانی شه‌وی ڕابردوو ئیسرائیل "ده‌ستدرێژییه‌کی ئاسمانی له‌ ئاراسته‌ی خاکی لوبنانه‌وه‌" ده‌ستپێکردووه‌ خاڵه‌ په‌ڕینه‌وه‌کانی ‌سه‌ر سنووری سووریا و لوبنانی کردە ئامانج.

ئاماژه‌ی به‌وه‌ش کردووه‌، له‌ ئه‌نجامی بۆردوومانه‌که‌ی ئیسرائیلدا زیان به‌ پرده‌کانی جوبانیه‌، ئه‌رجون، ده‌ف و ده‌روازه‌ی سنووری نه‌زه‌ریه‌ که‌وتووه‌.

سه‌باره‌ت به‌زیانه‌ گیانیه‌کان، ئه‌و سه‌رچاوه‌یه‌ ئاشکرای کردوه‌، "دوو که‌س له ‌ئه‌نجامی بۆردوومانه‌که‌ بریندار بوون و تیمه‌کانی ئه‌مبوڵانسیش گه‌یشتونه‌ته‌ شوێنی ڕووداوه‌که‌".