بەپێی هەواڵی کوردپرێس، بڕیار رەشید پەرلەمانتاری یەکێتی لە ئەنجومەنی نوێنەرانی عێراق ڕایگەیاندووە: دەبێت بسەلمێنرێت لە رێگەی هەردوو وەزارەتی دارایی هەرێم و بەغدا و دیوانی چاودێری دارایی کە غەدری لێدەکرێت.

ناوبراو دەشڵێت؛ دەمانەوێت رێگری لەو غەدرە بکەین کە چەند ساڵی رابردوو لە سلێمانی کراوە، لە ناوچەکانی دیکە مووچە وەردەگیرا، بەڵام لە سلێمانی وەرنەدەگیرا.

ئەوەشی خستووەتەڕوو، پڕۆژە خزمەتگوزاریەکان لە ناوچەکانی دیکە بەردەوام بوون، بەڵام لە سلێمانی پڕۆژە زۆر گرنگەکانیش نەدەکرا و یەکێتی و پارێزگاری سلێمانی دەسەڵاتی هیچیان نەبوو.

ئەو پەڕلەمانتارەی یەکێتی دەشڵێت؛ پێمان‌وایە ئەو بڕگانەی پڕۆژە یاسای بوودجە کە داوامان کردوە پەسەند دەکرێت.