بەپێی هەواڵی کوردپرێس، له ديدارێکدا مانۆکيان خۆشحاڵيى خۆى به يه‌که‌م ديدارى خۆناساندن له‌گه‌ڵ سه‌رۆکى هه‌رێمى کوردستان ده‌ربڕى و خواستى وڵاته‌که‌ى بۆ په‌ره‌پێدانى په‌يوه‌نديى هه‌مه‌لايه‌نه به‌تايبه‌تى له بوارى ئابووريدا له‌گه‌ڵ عێراق و هه‌رێمى کوردستان دووپات کرده‌وه.
لاى خۆيه‌وه نێچيرڤان بارزانى، وێڕاى به‌خێرهێنان، هيواى سه‌رکه‌وتنى له ئه‌رکه‌که‌يدا بۆ خواست و دووپاتى کرده‌وه که هه‌رێمى کوردستان خوازيارى په‌ره‌پێدانى په‌يوه‌ندييه‌کانيه‌تى له‌گه‌ڵ ئه‌رمه‌نستان و ده‌رفه‌ت و بوارى وه‌به‌رهێنان و سه‌رمايه‌گوزاريش بۆ که‌رتى تايبه‌ت و کۆمپانيا ئه‌رمه‌نييه‌کان له عێراق و هه‌رێمى کوردستان ڕه‌خساوه.
په‌يوه‌ندييه‌کانى هه‌ولێر ـ به‌غدا، مه‌ترسييه‌کانى تيرۆر، دوايين پێشهاته‌کانى دۆخى ناوچه‌که به‌گشتى و چه‌ند پرسێکى جێى بايه‌خى هه‌ردوولا، ته‌وه‌رێکى ديکه‌ى ديداره‌که بوون که تيايدا نێچيرڤان بارزانى هيواى خواست کێشه و گرفته‌کان به شێوه‌يێکى ئاشتيانه چاره‌سه‌ر بکرێن و ئارامى و سه‌قامگيرى بگه‌ڕێته‌وه ناوچه‌که.
کۆدی هەواڵنێر: 60113
Your Comment