بەپێی هەواڵی کوردپرێس، بەگوێرەی ئەو زانیارییانەی لە سەرچاوە ئەمنییەکانی تورکیاوە دەست کەوتوون، نزیک لە 300 هێزی سەر بە یەکینەکانی پاراستنی گەل (YPG) بە پاس بۆ ناوچەی قەرەباخ گواستراونەتەوە ئەوەش بەمەبەستی ئامادەبوون لە بەرەی شەڕی ئەرمینیا و ئازەربایجان.

میدیاکانی تورکیا ئەم هەواڵەیان بڵاو کردووەتەوە وە ئیدیعا دەکەن ئەم گواستنەوەش ئەنجامی ڕێککەوتنی مانگی جووڵایە لەنێوان دوولایەنەکەدا کە بە گوێرەی ئەو ڕێککەوتنە هێزەکانی YPG/PKK لە ناوچەی قەرەباخ مەشق و ڕاهێنان بە میلیشیا ئەمنییەکان دەکەن.

شایانی باسە ئەم ئیدیعایە هێشتا لەلایەن یەکینەکانی پاراستنی گەلەوە پشت ڕاست یان ڕەت نەکراوەتەوە.

کۆدی هەواڵنێر: 60113