کوردپرێس:
ڕۆژی یەکشەمە 6ی ئەیلوولی 2020 مستەفا بالی به‌رپرسی ناوه‌ندی راگه‌یاندنی هێزه‌كانی سووریای دیموكرات، لە کۆنگرەیێکی رۆژنامەوانیدا رایگەیاند "ئەرکی ئێمە وەک هێزەکانی سووریای دیموکرات، پاراستنی دەڤەرەکە و تەواوی پێکهاتەکانە، لە هەر شەڕێکی پێشبینی­کراو".
به‌رپرسی ناوه‌ندی راگه‌یاندنی هەسەدە لە کۆنگرە رۆژنامەوانییەکەدا جەختی کردەوە لەوەی "هاوپەیمانەکانی ئێمە، هەم ئەمەریکا و هەم هاوپەیمانیی نێودەوڵەتی، هەروەها رووسیاش لە لای خۆیەوە دەزانن، هەسەدە پابەندی رێککەوتنەکان بووە و دەبێت ئەوانیش ئەو بەرپرسیارییەتییە لە ئەستۆی خۆیان بگرن".
بالی دووپاتی کردەوە ئەوان پابه‌ندی هه‌ردوو رێككه‌وتنی رووسیا و ئه‌مەریكا ده‌بن سه‌باره‌ت بە ئاگربه‌ست، داواشی له كۆمه‌ڵگه‌ی نێوده‌وڵه‌تی كرد رێگری لە هێرشەکانی تورکیا بکەن.
دوو رێککەوتنەکەی مستەفا بالی باسیان دەکات، پێکدێن لە: رێککەوتنی نێوان ئەمەریکا و تورکیا کە بەهۆیەوە ئۆپەراسیۆنی "کانی ئاشتی"ـیی تورکیا لە رۆژئاوای کوردستان کۆتایی هات، هەروەها رێککەوتنی سۆچی لەنێوان ڤلادیمێر پوتن، سەرۆکی رووسیا و رەجەب تەییب ئەردۆغان، سەرۆکی تورکیا، کە بەهۆیەوە هێزەکانی هەسەدە لەسەر سنووری تورکیا کشانەوە.
Your Comment