کوردپرێس: بەپێی راگەیاندنەکە، لە شەو و رۆژێکدا 16 ھەزار و 591 پشکنین بۆ گومانلێکراوانی تووشبوو بە ڤایرسی کۆرۆنا ئەنجام دراوە، لەو پشکنینانەدا دەرکەوتووە، 3 ھەزار و 47 کەسی دیکە لە سەرانسەری عێراقدا تووشی کۆرۆنا بوونە.

لە راگەیاندنەکەشدا ھاتووە: لەو 24 کاتژمێرەدا، 67 حاڵەتی گیان لەدەست دان بە ھۆی کۆرۆناوە تۆمارکراوە، بەمەش ژمارە مردووان بەھۆی کۆرۆناوە لە عێراقدا گەیشتە 5 ھەزار و 161 کەس. ھاوکات 2 ھەزار و 583 کەسیش لە نەخۆشیەکە چاک بوونەتەوە.

لە سەرەتای سەرھەڵدانی پەتای کۆرۆنا لە عێراقدا، تاکوو ئێستا 140 ھەزار 603 حاڵەتی تووشبوون لەو وڵاتەدا تۆمارکراوە. لەو ژمارەیە 101 ھەزار و 25 کەس چاک بوونەتەوە، واتە بەڕێژەی 71.9%. ژمارەی ئەو تووشبووانەی، کە تاکوو ئێستا لە نەخۆشخانەکاندا ماون 34 ھەزار وو 417 حاڵەتن. لەم ژمارەیەش 517 کەس لەژێر چاودێری چڕ دان.

کۆدی هەواڵنێر: 60113