بەپێی هەواڵی کوردپرێس، بەڕێوەبەرایەتیی خۆسەری باکوور و باکووری ڕۆژهەڵاتی سووریا لە بەیاننامەیێکدا ئاماژەی دا بە دەست نیشان کردنی 8 حاڵەتی تووشبوون بە کۆرۆنا و کەرەنتین کردنی 100 کەسی گومان لێکراو بە کۆرۆنا لە ناوچەی جزیرەی کوردستانی سووریا و کەرەنتینی 10 ڕۆژە و قەدەغەی هاتوچۆی لەو ناوچەیەدا ڕاگەیاند.

بەگوێرەی ئەو هەواڵەی هاوارنیووز، بەڕێوەبەرایەتیی خۆسەر لەم حوکمەدا کە ڕادەستی بەڕێوەبەریی جزیرەی کردووە ئاماژەی داوە بە کەرەنتین کردنی 10 ڕۆژەی ئەو ناوچەیە و هاتوچۆ لە جزیرە بۆ ناوچەکانی دیکەی کوردستانی سووریا قەدەغە کرا.

کەرەنتین کردنی ناوچەی جزیرە لە یەکەم ڕۆژی جێژنی قوربانەوە دەست پێدەکرێت.

کۆدی هەواڵنێر: 60113