بەپێی هەواڵی کوردپرێس، شانه‌ى راگه‌یاندنى ئه‌منى باسى له‌وه کردووه، ئۆپه‌راسیۆنه‌که به سه‌رپه‌رشتى سه‌رکردایه‌تى پرۆسه هاوبه‌شه‌کانه و سه‌رکردایه‌تى پرۆسه‌کانى به‌غدا ده‌ستی پێکردووه.
هەروەها روونیش کراوه‌ته‌وه، له پرۆسه‌که‌دا "سه‌رکردایه‌تى پرۆسه‌کانى به‌غدا، لیواى تایبه‌تى سه‌رۆک ئه‌رکانى سوپا، پیاده‌ى میکانیکی حه‌وت و سى، لیواى به‌رپه‌رچدانه‌وه‌ى خێرا، لیواى ئه‌رکه تایبه‌ته‌کانى پۆلیسى فیدراڵى و لیوایێکى حه‌شدى شه‌عبى" به‌شداربوون، هه‌روه‌ها فڕۆکه‌کانى سوپا پشتگیرى ئاسمانییان دابین کردووه.
هه‌روه‌ها شانه‌ى راگه‌یاندنى ئه‌منى ته‌ئکیدی کردوه‌ته‌وه، ئۆپه‌راسیۆنه‌که له‌سه‌ر زانیارىی وردى هه‌واڵگرى بۆ راوه‌دوونانى پاشماوه‌کانى داعش و پشکنینى ناوچه‌که به ئامانجى سه‌قامگیرى ئه‌منى و ده‌ستگیرکردنى داواکراوان و پاراستنى هاووڵاتیان ئه‌نجام ده‌درێت.
کۆدی هەواڵنێر: 60113
Your Comment