به‌پێی هه‌واڵی کوردپرێس، فڕۆکه‌ جه‌نگییه‌کانی تورکیا له‌ کاتژمێر ١٠:٢٣ خوله‌کی شه‌وی 24ی ته‌مووز گوندی هه‌یشمه‌ و ناوچه‌کانی خواکورک و گه‌لی خواکورک و چیای که‌ویت و گه‌لی ڕه‌شیان بۆردومان کردوووه‌.

تا ئێستا زیانه‌ گیانی و ماڵییه‌کانی ئه‌و بۆردومانانه‌ نه‌زانراوه‌ و له‌ ماوه‌ی ڕابردوودا هێرش و بۆردومانه‌کانی تورکیا بۆ سه‌ر ناوچه‌ جیاجیاکانی هه‌رێمی کوردستان بووه‌ته‌ کارێکی نیمچه‌ڕۆژانه‌.

به‌ بیانووی بوونی گه‌ریلاکانی په‌که‌که‌ له‌ ناوچه‌ سنورییه‌کانی هه‌رێمی کوردستان، سوپای تورکیا به‌ فڕۆکه‌ و تۆپی دوورهاوێژ بۆردومانی ئه‌و ناوچانه‌ ده‌کات که‌ له‌ هه‌ندێک شوێن به‌هۆی مه‌ترسیی بۆردومانه‌کانه‌وه‌ دانیشتووانی گوند و ڕه‌وه‌نده‌کان ناچار بوون شوێنی نیشته‌جێبوونی خۆیان جێبهێڵن و زیانیش به‌ر ڕه‌ز و باخه‌کانیان که‌وتوووه‌.

سه‌رچاوه‌: ئێن ئاڕتی

کۆدی هه‌واڵنێر: 60103