کوردپرێس: ڕۆژی چوارشەممە 27ی خاکەلێوەی 1399 دوکتور کیانووش جەهانپوور لە لێدوانێکدا دوایین ئامارەکانی لەبارەی کۆرۆناوە ئاشکرا کرد و ڕایگەیاند تا ئەم کاتە کۆی 76 هەزار و 389 هاووڵاتیی ئێرانی تووشی پەتای کۆرۆنا بوون و کۆی 4 هەزار و 777 هاووڵاتییش بەهۆی پەتاکەوە گیانیان لە دەست داوە.

جیهانپوور زیادی کرد لە ماوەی 24 کاتژمێری ڕابردوودا 1512 حاڵەتی نوێی تووشبوون بە کۆرۆنا لە ئێران تۆمار کراوە و 94 هاووڵاتییش لە هەمان ماوەدا بە هۆی کۆرۆناوە گیانیان لە دەست داوە.

ناوبراو ئاماژەی بەمەشدا کە تا ئێستا 49933 کەس چاک بوونەتەوە و 3643 کەسیش باری تەندروستییان ناجێگیرە.

کۆدی هەواڵنێر: 60113