به‌پێی هه‌واڵی کوردپرێس، تینا کیادانۆڤ له‌ لێدوانێکدا ئاماژه‌ به‌ دانووستانی ئه‌مریکا له‌گه‌ڵ هاوپه‌یمانانی به‌ مه‌به‌ستی په‌ره‌پێدانی بازرگانیی جیهازاتی سه‌ربازیی ئه‌مریکا ده‌کات و ده‌شڵێت: وه‌زاره‌تی ده‌ره‌وه‌ی ئه‌مریکا خه‌ریکه‌ له‌گه‌ڵ تورکیا دانووستان ده‌کات. ئه‌و دانووستانانه‌ له‌سه‌ر فرۆشتنی سیسته‌می به‌رگریی مووشه‌کیی پاتریۆت بۆ تورکیا وه‌ک جێگره‌وه‌یێک بۆ سیسته‌می به‌رگریی S-400ی ڕووسییه‌ که‌ تورکیا و ڕووسیا له‌سه‌ر کڕینی ئه‌و سیسته‌مه‌ ڕێککه‌وتوون.

جێگری وه‌زیری ده‌ره‌وه‌ی ئه‌مریکا که‌ له‌ مانۆڕێکی سه‌ربازیی هێزی ئاسمانی له‌ به‌ریتانیادا قسه‌ی ده‌کرد وتیشی: کڕینی سیسته‌می به‌رگریی ڕووسیا له‌لایه‌ن ڕووسیاوه‌ جێی نیگه‌رانییه‌ و بۆ دانانی جێگره‌وه‌یێک بۆ ئه‌م بابه‌ته‌ خه‌ریکین له‌گه‌ڵ تورکیا دانووستان ده‌که‌ین.

سه‌رچاوه‌: که‌ناڵی ته‌له‌فزیۆنی NTV

کۆدی هه‌واڵنێر: 60103