به‌پێی هه‌واڵی کوردپرێس، جه‌میله‌ عوبه‌یدی به‌ هه‌واڵده‌ریی مه‌علوومه‌ی وتوووه‌: برێت مه‌کگۆرک نێرده‌ی تایبه‌تی دۆناڵد تره‌مپ سه‌رۆک کۆماری ئه‌مریکا ڕۆژی هه‌ینیی داهاتوو بۆ دیدار له‌گه‌ڵ حیزبه‌ سیاسییه‌کانی عێراق له‌باره‌ی ناساندنی سه‌رۆک وه‌زیرانی نوێی ئه‌و وڵاته‌ و سه‌پاندنی خواستی واشنتۆن له‌سه‌ر ئه‌و حیزبانه‌ سه‌ردانی به‌غدا ده‌کات.

ناوبراو جه‌خت له‌وه‌ ده‌کاته‌وه‌ که‌ واشنتۆن هه‌وڵه‌کانی بۆ دروست کردنی کێشمه‌کێشمی سیاسیی نێوان حیزبه‌کانی عێراق و سه‌پاندنی ئیراده‌ی خۆی له‌سه‌ریان چڕ کردۆته‌وه‌ و ده‌شڵێت: ده‌وڵه‌تی نوێی عێراق هاوشێوه‌ی ده‌وڵه‌تانی ڕابردووی ئه‌و وڵاته‌ فه‌رمان له‌ ئه‌مریکا و وڵاتانی جیهان وه‌رده‌گرێت.

جه‌میله‌ عوبه‌یدی وتیشی: پڕۆسه‌ی ژماردنه‌وه‌ی ده‌ستیی ده‌نگه‌کانی هه‌ڵبژاردن نمایش‌کردنه‌ و ده‌وڵه‌تی داهاتووی عێراق به‌پێی پلان و نه‌خشه‌ی ئه‌مریکا و خواستی تره‌مپ پێک ده‌هێنرێت.

کۆدی هه‌واڵنێر: 60103