کوردپرێس:
سەعدی ئەحمەد پیرە وتی: “رۆژی ٣٠ی ئه‌یلوول بۆ هه‌ڵبژاردنی په‌رله‌مان دیاریكراوه و هیچ كه‌سێك داوای دواخستنی نه‌كردووه، ئه‌گه‌ر بارودۆخێكیش بێته پێشه‌وه نه‌گونجاو بێت پێوسته سه‌رجه‌م لایه‌نه‌كان به‌یه‌كه‌وه هه‌ماهه‌نگی بكه‌ن بۆ ئه‌م بابه‌ته.”
سه‌باره‌ت به كۆبوونه‌وه‌ی له‌گه‌ڵ حزبی شیوعی عێراقیش ڕایگەیاند: “له‌كۆبوونه‌وه‌كه جه‌ختمان له‌وه كرده‌وه ئه‌گه‌ر عێراق سه‌قفه‌كه‌ی بروخێ به‌سه‌رهه‌مووماندا ده‌روخێت، بۆیه ده‌بێت هه‌موان به‌یه‌كه‌وه هه‌ماهه‌نگ بین تاوه‌كوو عێراق به‌ره‌و كه‌ناری ئارام ببه‌ین و ئه‌و بۆشاییه سیاسی و یاساییه كۆتایی بێت كه وایكردووه ئه‌نجومه‌نی نوێنه‌رانی هه‌ڵبژێردرا و كۆ نه‌بۆته‌وه و كۆبوونه‌وه‌كه‌ی دوا كه‌وتووه.”
ئه‌وه‌شی خسته‌ڕوو: “ئه‌وان له‌گه‌ڵ پارتی داوایان كردووه سه‌رجه‌م لایه‌نه‌كان به‌یه‌كه‌وه بچنه به‌غدا و بۆ گفتوگۆش له‌گەڵ لایه‌نه عێراقیه‌كان مه‌رجیان له‌سه‌ر هیچ لایه‌نێك نییه ته‌نها وه‌ره‌قه‌یه‌كیان هه‌یه بۆ جێبه‌جێ كردنی داخوازیه‌كانی گه‌لی كورد و ده‌ستوور وه‌ك خۆی.”
Your Comment