کوردپرێس:

لە ڕاگەیاندراوێکدا وەزارەتی دەرەوەی تورکیا ئاماژەی بە ئەوە کرد"بە توندی ئیدانەی ئەو ھێرشە تیرۆریستییە دەکەین، سەرەخۆشی ئاراستەی خانەوادەی ئەو کەسانە دەکەین کە لە هێرشەکەدا گیانی لەدەستدا و ھیوای زوو چاکبوونەوەش بۆ بریندارەکان دەخوازین.

هەر لە ڕاگەیاندراوەکەدا ئەوەش هاتووە" چاوەڕێی ئەوە دەکەین کە بەرپرسانی عێراق بە زووترین کات لێکۆڵینەوە لەسەر دەنگۆیەکانی ساختەکاری لە ھەڵبژاردنەکانی کەرکووک بە ئەنجام بگەیەنێت و رێوشوێنی پێویست بۆ دەستەبەرکردنی ئاسایشی پارێزگاکە بگرێتەبەر".

هاوکات بەرەبەیانی ڕۆژی یەک شەممە تەقینەوەیێک لە کەرکووک ڕووی دا و بەهۆیانەوە هاوڵاتییێک کوژرا و ٢١ کەسی دیکەش برینداربوون.

دواتر پۆلیسی کەرکووک ڕایگەیاند، تەقینەوەکە لەڕێگەی ئۆتۆمبیلێکی بۆمبڕێژکراوەوە بوو کە شۆفێری ئۆتۆمبیلەکە خۆکوژ بوو کە بەنیاز بووە لەناو کۆگاکانی کەرکووک کە سندوقەکانی دەنگدانی تیایە خۆی بتەقێنێتەوە بەڵام پێش گەیشتنی بە کۆگاکە خۆی تەقاندەوە.