به‌پێی هه‌واڵی کوردپرێس، به‌شێکی زۆری ئه‌شکه‌نجه‌دراوان له ڕاپرسییه‌که‌دا ئاماژه‌یان به‌وه کردوووه که زۆرترین کات له‌لایه‌ن هێزه‌کانی پۆلیس و ئاسایش و پاسه‌وانانی به‌ندیخانه‌کانه‌وه له چاکسازی گه‌وران و خانه‌ی نه‌وجه‌وانانی هه‌ولێر و سلێمانی و دهۆک ئه‌شکه‌نجه دراون.
ئه‌ندامێکی لیژنه‌ى مافی مرۆڤیش له په‌رله‌مانی کوردستان بوونی ئه‌و ئاماره به مه‌ترسی ناو ده‌بات و هاوکات ئاماژه به بوونی زیندانی نهێنی ده‌کات که ته‌نانه‌ت ڕێگه به ئه‌وانیش نادرێت سه‌ردانی بکه‌ن و ده‌شڵێت: بوونی دامه‌زراوه‌ی ئه‌منی حزبی یه‌کێکی‌تره له هۆکاره‌کانی ئه‌شکه‌نجه‌دان.
توێژه‌رێکی ده‌روونی هۆکاره‌کانی ئه‌شکه‌نجه‌دانی مرۆڤ ده‌گه‌ڕێنێته‌وه بۆ که‌می هۆشیاری کۆمه‌ڵگا و لێکترازانی خێزانه‌کان که ئه‌مه‌ش ده‌بێته جۆرێک له په‌راوێزخستنی مرۆڤ له ناویاندا منداڵان که به‌شێکی زۆری قوربانیانی ئه‌شکه‌نجه‌ن.
ڕێکخراوه‌کان ده‌ڵێن ھه‌رچه‌نده حکوومه‌تی عێراق و ھه‌رێم ساڵى ڕابردوو په‌یماننامه‌ی نه‌ته‌وه یه‌کگرتوووه‌کانیان دژی ئه‌شکه‌نجه‌دان و جۆره‌کانی‌تری مامه‌ڵه و سزادان په‌سه‌ند کردوووه به‌ڵام ھه‌نگاوی جیدی له‌لایه‌ن حکوومه‌ت و ده‌سه‌ڵاتی دادوه‌رییه‌وه بۆ جێبه‌جێ کردنی نه‌نراوه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment