به‌پێی هه‌واڵی کوردپرێس، په‌روین بوڵدان له‌ كۆنگره‌یێكی ڕۆژنامه‌وانیدا كه‌ له‌ شاری ئه‌نقه‌ره‌ ئه‌نجامی دا ڕای‌گه‌یاند: "سوله‌یمان سۆیلو وه‌زیری ناوخۆی توركیا ته‌له‌فۆنی بۆ كردوووه‌ و هه‌ڕه‌شه‌ی كوشتنی لێكردوووه‌."

بوڵدان ئاماژه‌ی به‌وه‌ش كرد: "سوله‌یمان سۆیلو پێی وتوووه‌ له‌ گوندی یانیورتی ناوچه‌ی بازیدی پارێزگای ئاگری كه‌سێک كوژراوه‌ و به‌رپرسیاری ده‌خه‌ینه‌ ئه‌ستۆی هه‌ده‌په‌ به‌ڵام ئێمه‌ ئه‌و تۆمه‌ته‌مان قبووڵ نه‌كردوووه‌ و داوامان كردوووه‌ بكه‌رانی ئه‌و ڕووداوه‌ ئاشكرا بكرێت."

هاوسه‌رۆكی گشتیی هه‌ده‌په‌ راشیگه‌یاندوووه‌ كاری وه‌زیری ناوخۆ دۆزینه‌وه‌ و سزادانی تاوانبارانه‌ نه‌ک هه‌ڕه‌شه‌كردن.

بوڵدان ده‌شڵێت: وه‌زیری ناوخۆ هه‌ڕه‌شه‌ی لێكردوووه‌ و وتوویه‌تی "ئێوه‌ به‌ به‌رپرسیار ده‌زانین و چیتر مافی ژیان بۆ ئێوه‌ نییه‌، ئێوه‌ ده‌چن بۆ لای جه‌هه‌په‌ یان بۆ ئه‌ورووپا خۆتان هه‌ڵیبژێرن."

سه‌رچاوه‌: خه‌ندان

کۆدی هه‌واڵنێر: 60103