کوردپرێس:
شه‌وی سێشه‌ممه 17ی ئاداری 2020 عه‌دنان زورفی سه‌رۆکوه‌زیرانی ڕاسپێردراوی عێراق نێوه‌ڕۆکی کاری کابینه‌که‌ی خسته‌ڕوو و جه‌ختی له‌وه کرده‌وه که پشتیوانیی پێویستی پارێزگاکان و حکوومه‌ته خۆجێییه‌کان ده‌کات.
سه‌رۆکوه‌زیرانی ڕاسپێردراوی عێراق ئاماژه‌ی به‌وه کرد په‌ره به دامه‌زراوه ئه‌منی و سه‌ربازییه‌کان ده‌ده‌ن و پشتیوانی له ده‌سته‌ی حه‌شدی شه‌عبی و هێزه‌کانی پێشمه‌رگه ده‌که‌ن که به‌شێکن له سیسته‌می سه‌ربازیی وڵات.
عه‌دنان زورفی جه‌ختی کرده‌وه که په‌له ده‌کات له ناردنی پرۆژه‌یاسای بودجه‌ی 2020 بۆ په‌رله‌مانی عێراق و په‌سندکردنی له‌لایه‌ن په‌رله‌مانی عێراقه‌وه.
سه‌رۆکوه‌زیرانی ڕاسپێردراوی عێراق ئه‌وه‌ی خستووه‌ته‌ڕوو که کار ده‌کات بۆ ئه‌وه‌ی چه‌ک ته‌نیا له ده‌ست ده‌وڵه‌ت بێت و هه‌موو دیارده‌یێکی چه‌کداری نه‌هێڵێت، هه‌روه‌ها ده‌سه‌ڵاتی ده‌وڵه‌ت بسه‌پێنێت و ئاماده‌کاری بۆ ئه‌نجامدانی هه‌ڵبژاردنێکی ئازاد و پاک و بێگه‌رد له ماوه‌ی ساڵێکدا بکات.
کۆدی هه‌واڵنێر: 60103
Your Comment