بەپێی هەواڵی کوردپرێس، ساڵح موسلیم بەرپرسی پەیوەندییەکانی دەوەری پارتی یەکێتیی دیموکراتیک (پەیەدە) ڕایگەیاند: ئێران هێزێکی ناوچەییە و هەوڵ ئەدات کە هێژۆمۆنیی خۆی لە ناوچەکەدا بڵاو بکاتەوە. ئێران پەیوەندییەکانی خۆی لەگەڵ سووریا کە پاش شۆڕشی ئیسلامیی دەستی پێکردووە، زیاتر کردووە.
ناوبراو زیادی کرد لە لایێکی دیکەوە ئەمەریکا کە ئامادەەبوونی ئێران لە سووریا وەکوو هەڕەشەیێک بۆ سەر ئیسرائیل دەزانێت هەوڵی داوە کە بە گەمارۆخستنە سەر ئێران و تیرۆری قاسم سولەیمانی ڕێگری لە بەهێزبوونی ئێران بکات.
ساڵح موسلیم هەروەها بە هاوار نیووزی وتووە: تورکیا بە چەند یاری جیاواز توانیویە داخڵی سووریا ببێتەوە. حکوومەتی تورکیا پڕۆژە و پلانەکانی خۆی بۆ سووریا ئارام ئارام و لەسەرخۆ دەخاتە ڕوو بەڵام لەلایەن کۆمەڵگای نێونەتەوەییەوە ڕەت کراونەتەوە. پڕۆژەکەی تورکیا لەلایەن هاوپەیمانان، حکوومەتی ناوەندیی سووریا و ڕووسیاوە ڕەت کراوەتەوە.
کۆدی هەواڵنێر: 60113
Your Comment