کوردپرێس:

ڕۆژی یەکشەمە 13ی ڕێبەندانی 1398 دایرەی ڕاگەیاندنی تیمی بەرگریی شارستانیی شاری بۆکان لە هەواڵێکدا ڕایگەیاند گورگێک کە لە عەزرەتی برسێتی خۆی بە ماڵی هاووڵاتییێکی دانیشتووی شەقامی پاسدارانی شاری بۆکاندا کردبوو کراوەتە قەفەس و دواتر ئازاد کراوە.

دایرەی ڕاگەیاندنی بەرگریی شارستانیی شاری بۆکان ئەوەشی زیاد کردووە گورگەکە زەبری بە کەس نەگەیاندووە و توانراوە لە کاتی گونجاودا بە هاوکاریی مانگی سووری و تیمەکانی بەرگریی شارستانی گورگەکە لە شار دوور بخرێتەوە ئەوەش پاش ئەنجامدانی تاقی کردنەوەی پێویست.