به‌پێی هه‌واڵی کوردپرێس، له مه‌رزى شۆشمێ- ته‌ویڵه نزیكه‌ى ٢٥٠ ئۆتۆمبیلى بارهه‌ڵگر ڕۆژانه خۆڵى ئاسن و كاڵا و شمه‌ک و خوارده‌مه‌نى جۆراوجۆر له ئێرانه‌وه دێننه سنورى هه‌ڵه‌بجه‌وه به‌ڵام له‌و ٢٥٠ ئۆتۆمبیله ١٣٢ ئۆتۆمبیلى جۆرى تڕێله‌یان له‌لایه‌ن حكوومه‌ت و به‌ڕێوه‌به‌رایه‌تیی گواستنه‌وه‌وه مۆڵه‌تیان بۆ نه‌كراوه كه‌چى ڕۆژانه له‌م مه‌رزه‌وه نزیكه‌ى ٧٠ ئۆتۆمبیلیان خۆڵى ئاسن هاورده‌ى هه‌رێمى كوردستان و شاره‌كانى‌ترى عێراق ده‌كه‌ن.
كێشه‌ى نێوان ئۆتۆمبیله بارهه‌ڵگره‌كانى مه‌رزى شۆشمێ- ته‌وێڵه كه ده‌كه‌وێته ناحیه‌ى بیاره ماوه‌ى ساڵێكه سه‌ری هه‌ڵداوه و تا ئێستاش ئیداره‌ى پارێزگاكه كێشه‌كه‌ى بۆ چاره‌سه‌ر نه‌كردوون و ئیداره‌ى ناوچه‌كه نایانه‌وێت قسه له‌سه‌ر كێشه‌که بكه‌ن و فه‌رمانگه‌ى گواستنه‌وه‌ى ته‌وێڵه‌ش حه‌زیان نه‌كرد بۆ كامێرا قسه بكه‌ن به‌ڵام وتیان هه‌م پارێزگار و هه‌م وه‌زاره‌تى گواستنه‌وه‌ش ڕه‌زامه‌ندییان نیشان داوه مۆڵه‌ت بدرێته شۆفێره بێ مۆڵه‌ته‌كانیش.
سه‌رچاوه: ئێن ئاڕتی
کۆدی هه‌واڵنێر: 60103
Your Comment