به‌پێی هه‌واڵی کوردپرێس، ئه‌نجومه‌نی باڵای دادوهری عێراق بڕیاری دا به ده‌ستنیشان كردنی دادوه‌ر (قاسم محه‌مه‌د سلێمان) كه سه‌رپه‌رشتیی به‌رێوه بردنی نووسینگه‌ی كه‌ركووكی كۆمسیۆن بۆ هه‌ژماركردنه‌وه‌ی ده‌نگه‌كانی هه‌ڵبژاردنی په‌رله‌مانی عێراق به ده‌ست ده‌كات.
هاوكات ئه‌نجومه‌نی باڵای دادوه‌ریی عێراق داوای له ئه‌نجومه‌نی دادوه‌ریی هه‌رێمی كوردستان كرد كه سێ دادوه‌ر بۆ وه‌رگرتنی به‌رپرسیارێتیی نووسینگه‌كانی كۆمسیۆن له هه‌ر سێ پارێزگای (هه‌ولێر، سلێمانی و دهۆک) ده‌ستنیشان بكه‌ن.
تا ئێستا به ته‌نیا ئه‌و دادوه‌رانه ده‌ستنیشان نه‌كراون كه سه‌رپه‌رشتیی پڕۆسه‌ی هه‌ژماركردنه‌وه‌ی ده‌نگه‌كانی هه‌ڵبژاردنه‌كه‌ی په‌رله‌مانی عێراق به ده‌ست له هه‌رێم ده‌كه‌ن.
سه‌رچاوه: شارپرێس
کۆدی هه‌واڵنێر: 60103
Your Comment