بەپێی هەواڵی کوردپرێس، ڕێزان شێخ دلێر، پەرلەمانتارى عێراق لە فراکسیۆنى یەکێتى لەلێدوانێکیدا بۆ ئاژانسى هەواڵى عێراق ڕایگەیاند، پشکى هەرێمى کوردستان لە بودجەى ئەمساڵدا دەگاتە نزیکەى 13.5% و دەشبێت ئەمجارە هەرێم پابەندى هەموو مادەکانى بودجەکە بێت کە ڕێککەوتنى لەسەر کراوە و هەرێمیش وەکوو پێشوو نەکات کە ڕێککەوتنەکە جێبەجێ نەکات چوونکە هیچ بەدەست ناهێنێت بڕینى پشکى نەوتى هەرێم نەبێت لەلایەن حکوومەتى فیدراڵەوە.

ئاماژەى بۆ ئەوەش کرد، ئێستا دەبێت حکوومەتى هەرێم ڕۆژانە 250 هەزار بەرمیل نەوتى خاو ڕادەست بکات بۆ ئەوەى پشکەکەى ڕەوانە بکرێت لەلایەن بەغداوە.

ڕێزان شێخ دلێر روونیکردەوە، ئەگەر هەرێم پابەند نەبێت ئەوا بەغدا شایستە داراییەکانى ڕەوانە ناکات نەک هەر ئەوەندە بەڵکوو ڕێگرى لەوەش دەکات کە هەرێم نەتوانێت نەوت هەناردە بکات.

کۆدی هەواڵنێر: 60113