به‌پێی هه‌واڵی کوردپرێس، ده‌قی پرۆژه‌یاساکه ده‌ڵێت: ژماردنی ده‌ستیی ده‌نگه‌کان به ئاماده‌بوونی نوێنه‌ری لایه‌نه سیاسییه‌کان و نه‌ته‌وه یه‌کگرتوووه‌کان به‌ڕێوه ده‌چێت و ئامێری ئه‌لیکترۆنی هه‌ڵده‌وه‌شێنرێته‌وه.
پڕۆژه‌یاساکه‌ی په‌رله‌مانی عێراق باس له هه‌ڵوه‌شاندنه‌وه‌ی ئه‌نجامی هه‌ر وێستگه‌یێک ده‌کات که بسه‌لمێنرێت یاری به ده‌نگه‌کانی کراوه.
هه‌ر به‌پێی ئه‌و پڕۆژه‌یه، ئه‌نجامی ده‌نگدانی ده‌ره‌وه و ده‌نگدانی تایبه‌تی ئاواره‌کان له ناوچه‌کانی ئه‌نبار، سه‌ڵاحه‌دین، نه‌ینه‌وا و دیاله هه‌ڵده‌وه‌شێته‌وه.
هه‌روه‌ها ئه‌نجومه‌نی باڵای دادوه‌ری ٩ دادوه‌ر دیاری ده‌کات له شوێنی ٩ ئه‌ندامه‌که‌ی ئه‌نجومه‌نی کۆمیسیارانی کۆمیسیۆنی هه‌ڵبژاردن و دادوه‌رێکیش بۆ سه‌رپه‌رشتی هه‌ر ئۆفیسێکی کۆمیسیۆن دیاری ده‌کرێت و ئه‌م دادوه‌رانه له کاتی په‌سه‌ند کردنی ئه‌نجامی هه‌ڵبژاردنه‌که کاره‌کانیان کۆتایی دێت.
یاساکه له کاتی په‌سه‌ند کردنییه‌وه کاری پێده‌کرێت و کار به هیچ یاسایێکی‌تر ناکرێت، پێچه‌وانه‌ی ئه‌م یاسایه بێت.
سه‌رچاوه: ئێن ئاڕتی
کۆدی هه‌واڵنێر: 60103
Your Comment