به‌پێی هه‌واڵی کوردپرێس، ئایه‌توڵڵا محه‌مه‌د ته‌قی موده‌ڕسی له به‌یاننامه‌یێکدا ئاماژه‌ی دایه ئه‌وه‌ی که ئێستا عێراق پێویستی هه‌یه به ده‌وڵه‌تێکی به‌هێز بۆ تێپه‌ڕاندنی دۆخه دژواره‌که‌ی ئێستا و داوای له پارته براوه‌کانی هه‌ڵبژاردن کرد هه‌رچی زووتر گفتوگۆکان بۆ پێکهێنانی ده‌وڵه‌تی نوێی عێراق ده‌ست‌پێبکه‌ن.
موده‌ڕسی زیادیشی کرد: ئه‌و ئه‌رکانه‌ی له ئه‌ستۆی ده‌وڵه‌تی نوێی عێراقدایه، زۆره که گرینگترینیان هه‌موارکردنی که‌لێنه دروست بوووه‌که‌ی نێوان هاووڵاتییانی عێراق له هه‌ڵبژاردنی ئه‌م دواییه و دروست بوونی یه‌کڕیزی و ته‌ئکید له سه‌ر هه‌ڵوێستی جێگیری عێراق به بێ له به‌رچاوگرتنی ململانێیه حیزبییه‌کانه.
ناوبراو جه‌ختیشی کرده‌وه که نۆژه‌نکردنه‌وه‌ی که‌لاوه‌کانی شه‌ڕ دژی تیرۆریزم، باشترکردنه‌وه‌ی خزمه‌تگوزاری و چاکسازیی یاسا و ڕێساکان له دیکه‌ی ئه‌و ئه‌رکانه‌یه که ده‌وڵه‌تی نوێی عێراق ده‌بێ له ئه‌وله‌وییه‌ت دای بنێت.
سه‌رچاوه: ماڵپه‌ڕی هه‌واڵی SNGی عێراق
کۆدی هه‌واڵنێر: 60104
Your Comment