به‌پێی هه‌واڵی کوردپرێس، بڕیاره‌ رۆژی 24/6/2018، هه‌ڵبژاردنی سه‌رۆکایه‌تیی تورکیا به‌ڕێوه‌ بچێت، که‌ تێیدا چه‌ند کاندیدێک رکابه‌ریی ره‌جه‌ب ته‌ییب ئه‌ردۆغانی سه‌رۆک کۆماری ئێستای ئه‌و وڵاته‌ ده‌که‌ن.

به‌پێی راپرسییێک که‌ میدیاکانی تورکیا بڵاویان کردۆ‌ته‌وه‌، ره‌جه‌ب ته‌ییب ئه‌ردۆغانی سه‌رۆکی پارتی داد و گه‌شه‌پێدان (ئاکه‌په‌)ی ده‌سه‌ڵاتداری تورکیا زیاتر له‌ %50ی ده‌نگه‌کان به‌ده‌ست ده‌هێنێت و ده‌بێته‌وه‌ به‌ سه‌رۆکی وڵاته‌که‌.

رێژه‌ی ده‌نگه‌کانی کاندیده‌کان به‌پێی ئه‌نجامی راپرسییه‌که‌:

- ره‌جه‌ب ته‌ییب ئه‌ردۆغان، کاندیدی ئاکه‌په‌، زیاتر له‌ %50ی ده‌نگه‌کان به‌ده‌ست ده‌هێنێت.

- محه‌ره‌م ئینجه‌، کاندیدی پارتی گه‌لی کۆماری (جه‌هه‌په‌) %22-25ی ده‌نگه‌کان به‌ده‌ست ده‌هێنێت.

- مه‌ڕال ئاکشنه‌ر، کاندیدی پارتی خێر، %11-15ی ده‌نگه‌کان به‌ده‌ست ده‌هێنێت.

- سه‌ڵاحه‌دین ده‌میرتاش، کاندیدی پارتی دیموکراتی گه‌لان (هه‌ده‌په‌)، که‌متر له‌ %10ی ده‌نگه‌کان به‌ده‌ست ده‌هێنێت.

- ته‌مه‌ل قه‌ره‌مه‌لائۆغڵو، کاندیدی پارتی سه‌عاده‌ت، که‌متر له‌ %2ی ده‌نگه‌کان به‌ده‌ست ده‌هێنێت.

کۆدی هه‌واڵنێر: 60104