به‌پێی هه‌واڵی کوردپرێس، ئه‌مڕۆ چوارشه‌ممه 30ی ئایار سێرگه‌ی لاڤرۆڤ سوور بوونی خۆی له‌سه‌ر کشانه‌وه‌ی سه‌رجه‌م ئه‌و هێزانه‌ی که سووری نین له باشووری وڵاته‌که دووپات کرده‌وه که هاوسنووره له‌گه‌ڵ ئیسرائیل.
ڕۆژی دووشه‌ممه‌ی ڕابردووش ڕووسیا ڕای‌گه‌یاند: ته‌نیا سوپای سووریا ده‌توانێت له‌سه‌ر سنووری سووریا و ئیسرائیل و ئۆردۆن بمێنێته‌وه ئه‌مه‌ش دوای ئه‌وه هات که واشنتۆن هۆشداری دا له "لێپێچینه‌وه‌ی توند" له کاردانه‌وه‌ی پێشێل کردنی ئاگربه‌ست له ناوچه‌که‌دا.
هاوکات ئه‌م هۆشدارییه‌ی ئه‌مڕۆی ڕووسیا له میانی ئه‌و ده‌نگۆیانه‌دا هات که سوپای سووریا به‌نیازه ئۆپه‌راسیۆنێکی سه‌ربازی له درعا ئه‌نجام بدات به ئامانجی کۆنترۆڵ کردنه‌وه‌ی له ده‌ستی هێزه‌کانی ئۆپۆزسیۆن.
له به‌رامبه‌ریشدا ئه‌مریکا هۆشداریی "لێپێچینه‌وه‌ی توند"ی دا دژی ڕژێمی سووریا له ئه‌گه‌ری پێشێل کردنی ئاگربه‌ستی که‌م کردنه‌وه‌ی توندوتیژییه‌کان له ناوچه‌که‌دا.
سه‌رچاوه: ئێن ئاڕتی
کۆدی هه‌واڵنێر: 60103
Your Comment