به‌پێی هه‌واڵی کوردپرێس، بڕیار وایه‌ ڕۆژی‌ 30ی‌ 9ی‌ 2018 هه‌ڵبژاردنی‌ په‌رله‌مانی‌ كوردستان به‌ڕێوه‌ بچێت و لایه‌نه‌ سیاسییه‌كانیش ده‌ستیان به‌ ئاماده‌كاری بۆ به‌شداری كردن له‌و هه‌ڵبژاردنه‌ كردوووه‌.

حاجی كاروان ئه‌ندامی سه‌ركردایه‌تیی یه‌كگرتوی ئیسلامی به ‌SNNی ڕاگه‌یاند: "گومان له‌وه‌دا نییه‌ به‌شداری له‌ هه‌ڵبژاردنی‌ په‌رله‌مانی‌ كوردستان ده‌كه‌ین چوونكه‌ ناكرێت په‌رله‌مانی‌ كوردستان به‌جێبهێڵین."

حاجی‌ كاروان سه‌باره‌ت به ‌به‌شداریی‌ لایه‌نه‌ ناڕازییه‌كانیش كه‌ وه‌كوو ده‌وترێت به‌ یه‌ک لیست به‌شداری ده‌كه‌ن له‌و هه‌ڵبژاردنه‌دا وتی‌:"له‌ ئێستادا هیچ بڕیارێكمان نه‌داوه‌ له‌به‌ر ئه‌وه‌ی‌ كاتمان به‌ده‌سته‌وه‌ ماوه‌ تاوه‌كوو بڕیاری‌ كۆتایی له‌وباره‌یه‌وه‌ بده‌ین."

ناوبراو ئه‌وه‌شی‌ ڕوون كرده‌وه "له ‌داهاتوودا وه‌ک سه‌ركردایه‌تیی‌ یه‌كگرتوو كۆ ده‌بینه‌وه ‌و بڕیاری‌ خۆمان ده‌ده‌ین به‌وه‌ی‌ كه‌ به‌ ته‌نها به‌شداری ده‌كه‌ین یاخود له‌گه‌ڵ ئه‌و لایه‌نانه‌ به‌ یه‌ک لیست به‌شدار ده‌بین."

کۆدی هه‌واڵنێر: 60103