به‌پێی هه‌واڵی کوردپرێس، موحه‌ڕه‌م ئینجه پاڵێوراوی جه‌هه‌په له وه‌ڵامی پرسیاری ڕۆژنامه‌نووسانی وڵاته‌که‌یدا له که‌ناڵی سی ئێن ئێن تورکدا ڕای‌گه‌یاند: ئه‌گه‌ر ئه‌ردۆغان، سه‌ڵاحه‌دین ده‌میرتاش هاوسه‌رۆکی هه‌ده‌په‌ی زیندانی نه‌کردایه ئه‌وا نه‌یده‌توانی له ئه‌نجامدانی ڕیفراندۆمدا سه‌رکه‌وتن به ده‌ست بهێنێت له‌به‌ر ئه‌وه‌ش ئه‌ردۆغان هه‌ستا به زیندانی کردنی سه‌ڵاحه‌دین ده‌میرتاش.
ناوبراو ڕاشی‌گه‌یاند: له تورکیا کێشه‌ی کورد هه‌یه و ئه‌و کێشه‌یه لایه‌نی ئه‌خلاقی، ئابووری، سیاسی و کۆمه‌ڵایه‌تی هه‌یه بۆیه پێویسته ئه‌و کێشه‌یه چاره‌سه‌ر بکرێت.
به وته‌ی ئه‌و پاڵێوراوه‌ی جه‌هه‌په شوێنی چاره‌سه‌ر کردنی کێشه‌ی کورد له تورکیا په‌رله‌مانه و ده‌بێت له په‌رله‌ماندا له‌باره‌ی چاره‌سه‌ر کردنی ئه‌و کێشه‌یه گفتوگۆ بکرێت.
سه‌رچاوه: KNN
کۆدی هه‌واڵنێر: 60103
Your Comment