به‌پێی هه‌واڵی کوردپرێس، ڕۆژی یه‌کشه‌ممه‌ 30ی گوڵان محه‌مه‌د جه‌واد زه‌ریف وه‌زیری ده‌ره‌وه‌ی ئێران له‌گه‌ڵ میگێل ئاریاس سانیه‌تێی به‌رپرسی وزه‌ی یه‌کێتیی ئه‌ورووپا له‌ تاران کۆ بوویه‌وه‌ و ئاماژه‌ی به‌ ئه‌وه‌ کرد به‌ کشانه‌وه‌ی ئه‌مریکا چاوه‌ڕوانییه‌ گشتییه‌کانی ئێران له‌ یه‌کێتیی ئه‌ورووپا زیادی کردوووه‌ بۆ ئه‌وه‌ی ده‌ستکه‌وته‌کانی ڕێککه‌وتنه‌که‌ بمێنێته‌وه‌ و پشتیوانیی ئێستای سیاسه‌تی ئه‌ورووپا بۆ ڕێککه‌وتنه‌که‌ له‌ ئاستی پێویستدا نییه‌.

وه‌زیری ده‌ره‌وه‌ی ئێران ئه‌وه‌شی ڕاگه‌یاندوووه‌: کشانه‌وه‌ی چه‌ند کۆمپانیایێکی سه‌ره‌کی ئه‌ورووپا له‌ ئێران له‌گه‌ڵ به‌ڵێنه‌کانی یه‌کێتیی ئه‌ورووپادا ناگونجێت.

هاوکات دوو ڕۆژه‌ میگێل ئاریاس سانیه‌تێی به‌رپرسی وزه‌ی یه‌کێتیی ئه‌ورووپا له‌ تارانی پایته‌ختی ئێرانه‌ و له‌ سه‌ردانه‌که‌یدا له‌گه‌ڵ ژماره‌یێک کاربه‌ده‌ستانی ئێراندا کۆ بۆته‌وه و‌ جه‌ختی کردۆته‌وه‌ له‌ پاراستنی ڕێککه‌وتنه‌ ئه‌تۆمییه‌که‌ی ساڵی ٢٠١٥.

کۆدی هه‌واڵنێر: 60103