به‌پێی هه‌واڵی کوردپرێس، محه‌مه‌د جه‌میل مه‌یاحی وته‌بێژی ڕه‌وتی حیکمه به ڕێبه‌رایه‌تیی عه‌مار حه‌کیم سه‌رله‌به‌یانیی ئه‌مڕۆ به ده‌رکردنی به‌یاننامه‌یێک ڕای‌گه‌یاند که 72 کاژمێری داهاتوو پێکهێنانی هاوپه‌یمانییێک له نێوان ئه‌م ڕه‌وته و هاوپه‌یمانییه‌کانی سائروون به ڕێبه‌رایه‌تیی سه‌در، فه‌تح به ڕێبه‌رایه‌تیی هادی عامری و نه‌سر به ڕێبه‌رایه‌تیی حه‌یده‌ر عه‌بادی ده‌بین.
ئه‌وه له حاڵێکدایه که له کۆی 329 کورسیی په‌رله‌مانی داهاتووی عێراق هاوپه‌یمانیی سائروون 54 کورسی، هاوپه‌یمانیی فه‌تح 47 کورسی، هاوپه‌یمانیی نه‌سر 42 کورسی و ڕه‌وتی حیکمه‌ش 19 کورسییان هه‌یه و ئەگەر هاوپەیمانی پێک بهێنن به‌گشتی خاوه‌ن 162 کورسیی په‌رله‌مان ده‌بن و بۆ پێکهێنانی ده‌وڵه‌ت ته‌نها پێویستیان به سێ کورسیی دیکه ده‌بێت.
سه‌رچاوه: سوومه‌ریه نیووز
کۆدی هه‌واڵنێر: 60104
Your Comment