به‌پێی هه‌واڵی کوردپرێس، حه‌سه‌ن سالم به هه‌واڵده‌ریی سۆمه‌ریه نیووزی وت: ئه‌مریکا هه‌وڵه‌کانی ده‌خاته گه‌ڕ بۆ دوور کردنه‌وه‌ی هاوپه‌یمانیی فه‌تح به سه‌رکردایه‌تیی هادی عامری له ساحه‌ی سیاسیی عێراق به بۆنه‌ی ترس له حه‌شدی شه‌عبی.
ناوبراو ده‌شڵێت: له‌مدواییه‌دا واشنتۆن به ئامانجی کاریگه‌ری دانان له‌سه‌ر هه‌ڵبژاردنی عێراق و ئه‌و هاوپه‌یمانییانه‌ی که بۆ پێکهێنانی ده‌وڵه‌ت دروست ده‌بن هه‌ندێک کاری ئه‌نجام داوه که ئه‌م کارانه‌ش به‌شێک له نه‌خشه و به‌رنامه‌کانی ئه‌مریکایه بۆ زاڵبوون له‌سه‌ر عێراق و ناوچه‌که.
حه‌سه‌ن سالم ڕاشی‌گه‌یاند: واشنتۆن داوای پڕۆسه‌یێکی سیاسی له عێراق ده‌کات که له‌گه‌ڵ به‌رژه‌وه‌ندی و هه‌ڤگرییه‌کانی ئه‌و وڵاته یه‌ک بگرێته‌وه و له چوونی به‌هێزانه‌ی هاوپه‌یمانیی فه‌تح بۆ ساحه‌ی سیاسیی عێراق ده‌ترسێت هه‌ر بۆیه هه‌وڵ ده‌دات به هه‌موو ئه‌و کارتانه یاری بکات که به‌ده‌ستی ئه‌و وڵاته‌یه و هه‌وڵه‌کانی بۆ دوور کردنه‌وه‌ی سه‌رکرده‌کانی فه‌تح -که زۆربه‌یان له به‌ره‌کانی شه‌ڕ دژ به تیرۆریزم و داعش شه‌ڕیان کردوووه و نه‌خشه و پلانه‌کانی ئه‌مریکا- زایۆنیزمیان بێئاکام هێشتۆته‌وه- ده‌خاته گه‌ڕ.
کۆدی هه‌واڵنێر: 60103
Your Comment